Bata, Bata Paano Ba?

Children Ministry

            Paano ba mapapalapit ang mga bata sa Diyos? Paano ba nila pinahahalagahan ang banal na misa?

Paano ba sila magiging mabuting halimbawa sa kapwa nila mga bata?

            Ilan lamang ito sa mga katanungang sumasagi sa ating isipan tuwing pinaguusapan ang mga bata.

Kadalasan ay hindi natin alam kung ano ang mga sagot sa tanong na ito at kung paano ito sasagutin.

Dahil dito ay itinatag ang Children Ministry sa ating parokya.

            Nagsimula ito noong taong 1982 nang itinatag ni Fr. Amado ang Area-Based Catechetical Program (ABCP).

Layunin ng programang ito na magkaroon ng Catechetical Ministry para sa mga bata kasama ng layunin ng

parokyang makabuo ng Basic Ecclesial Community. Ang mga volunteer catechists ay nagtuturo sa iba’t ibang area sa parokya

tuwing Sabado at pagkatapos ng kanilang pagtuturo ay nagkakaroon ng Children’s Mass sa ganap na ikaapat ng hapon.

            Pagkalipas ng mga taon, naging bagong kura paroko si Msgr. Romy Rañada.

Napalitan ang pangalan ng ABCP at ito’y anging Children Ministry. Itinatag ito noong ika-6 ng Setyembre, taong 1999.

Nagsimula nang magturo ang mga volunteer catechists sa mga paaralang nasasakupan ng parokya.

Ang Children’s Mass ay ginaganap na tuwing Linggo sa ganap na ikaapat pa rin ng hapon.

            Ang mga pangunahing layunin ng Children Ministry ay ituro ang kahalagahan ng misa at gawin itong daan

para sa paglago ng kanilang buhay espiritwal, turuan ang mga bata kung paano

pahalagahan ang misa bilang pinakamataas na panalangin at ang natutunan ay dalhin sa tahanan upang sila ang

magevangelize sa pamilya, turuan ang mga bata sa tamang pagdarasal, at mahikayat ang mga bata

sa gawain bilang pagiging isang lector, commentator, choir, at iba pa.

            Kasalukuyang pinamumunuan ang Children Ministry ni Bro. Toti  si Marilyn Macahilig bilang Head Catechist.

Miyembro naman ng Children Ministry ang mga catechists na sina Edna Ping, Amparo Cordero, at Maria Pizar.

Miyembro rin sina Baby Villamar, Shannin Retirado, ang Children’s Choir, Lectors and Commentators, usherettes, at collectors.

            Ang mga nais na maging miyembro ng Children Ministry ay dapat na may good moral character,

may malasakit sa mga bata, at handang maglingkod ng buong puso sa simbahan.

            Napakaraming gawain at proyekto ng Children Ministry. Isa na rito ang Mayflower Devotion na ginaganap tuwing Mayo'

Ang mga volunteer catechists ay nagtuturo sa iba’t ibang areas ng catechism at ng tamang pagdarasal ng rosaryo.

Tuwing Setyembre naman ay idinaraos ang Catechetical Month kung saan nagkakaroon ng Bible Quiz at

On the Spot Drawing Contest. May mga representative ang bawat area at mga eskuwelahang nasasakupan ng parokya.

Kabilang pa sa mga gawain ng Children Ministry ang Lenten Recollection,

Station of the Cross tuwing Miyerkules Santo sa ganap na alas tres ng hapon,

Christmas Party, Children’s Mass, at First Communion tuwing Disyembre.

            Mayroon ding formation activities ang Children Ministry upang mapalago ang espiritwal na aspeto

ng mga miyembro tulad ng Holy Spirit Mass na idinadaos bago magbukas ang klase tuwing Hunyo,

ang Monthly mass na ginaganap tuwing unang Miyerkules sa Aguinaldo Elementary School,

ikalawang Miyerkules sa Doña Josefa E. Marcos Elementary School, ikatlong

Miyerkules sa Camarilla Elementary School at Republican College, at unang Biyernes ng buwan sa

Camp General Emilio Aguinaldo High School at Juan Sumulong High School.

Tuwing summer naman ay nagkakaroon ng mga seminar at may iniimbitahang iba’t ibang speaker.

            Ang pagpupulong ng mga miyembro ng organisasyon kasama

ang mga bata at catechists ay tuwing unang Sabado ng buwan sa ganap na ikalawa ng hapon.

            Tunay ngang napakalaki ng kontribusyon ng Children Ministry upang mapalapit

ang mga bata sa Panginoon. Nailalabas dito ang angking talino ng mga bata at natututunan pa nila ang

salita ng Diyos na naibabahagi nila sa kanilang mga magulang at kapwa bata.